Күрөш: Дүйнө чемпиондугуна бара турган балбандардын алдын ала тизмеси белгилүү болду

Сербиянын Белград шаарында өтө турган күрөш боюнча Дүйнө чемпиондугуна Кыргызстандын атынан күрөштүн грек-рим түрү боюнча катыша турган балбандардын алдын-ала тизмеси белгилүү болду.

Белгилей кетсек, Дүйнө чемпиондугу 16-сентябрдан 25-сентябрга чейин Белградда өтөт. Анда "Париж-2024" Олимпиадасына алгачкы лицензиялар ойнотулат.

Ошондой эле быйыл Азия оюндары дагы өтөт. Дүйнө чемпиондугуна барбаган айрым балбандар Азия оюндарына катышат.

Грек-рим күрөшү боюнча Дүйнө чемпиондугуна катыша турган кыргыз балбандарынын алдын-ала тизмеси:

• 60 килограмм: Жоламан Шаршенбеков;
• 63 килограмм: Дастан Кадыров;
• 67 килограмм: Амантур Исмаилов;
• 77 килограмм: Акжол Махмудов;
• 82 килограмм: Бексултан Назарбаев;
• 87 килограмм: Азат Салидинов;
• 97 килограмм: Бексултан Махмудов.