Росавиация Пригожиндин кыйраган учагында кимдер болгонун жарыялады 

Орусиянын Федералдык аба транспорту агенттиги (Росавиация) өзүнүн Telegram каналында Тверь облусунда кыйраган Евгений Пригожинге таандык Embraer Legacy бизнес-учагынын жүргүнчүлөрү менен экипаж мүчөлөрүнүн толук тизмесин жарыялады.

Андагы маалыматка ылайык, учактын бортунда 10 адам болгон. Алар: 1. Пропустин Сергей; - разведчик-гранатомётчик, "Вагнердин" согушкери;

2. Макарян Евгений - "Вагнердин" согушкери, Сириядагы согушка катышып, 2017-жылдын январында америкалык учак менен кагылышуудан аман калган;

3. Тотмин Александр - "Вагнердин" согушкери, айрым маалыматтарга караганда Судандагы согушка катышкан;

4. Чекалов Валерий - Экс-бизнесмен, Пригожиндин бизнес структуралары менен байланышта болгон. Пригожиндин орун басары, "Вагнердин" коопсуздук кызматын жетектеген.

5. Уткин Дмитрий - Запастагы подполковник, кесипкөй аскер кызматкери, "Вагнер" тобунун командири, Пригожиндин оң колу;

6. Матусеев Николай - Маалымат жок;

7. Пригожин Евгений; - "Вагнердин" негиздөөчүсү;

Экипаж мүчөлөрү: 8. Левшин Алексей (командир);

9. Каримов Рустам (экинчи учкуч)

10. Распопова Кристина (учуу кызматчысы).

Кечээ, 23-августта Евгений Пригожинге таандык болгон учак Орусиянын Тверь облусунун аймагында кулаган. Бортто 10 адам, анын ичинде Евгений Пригожин өзү дагы болгону кабарланды. Борттогулардын бардыгы каза болгон.