Өлкөдө апта ичинде 22 миң 280 жол эрежесин бузуу фактылары аныкталды  

Кыргызстанда акыркы жумада 22 миң 280 жол эрежесин бузуу фактысы катталды. Бул тууралуу бүгүн, 28-августта Жол кыймылынын коопсуздугун камсыздоо башкы башкармалыгынан билдиришти.

Маалыматка ылайык, анын ичинен:

• мас абалында рулга отуруу - 250;
• тийиштүү документтери жок транспорт каражаттарын башкаруу - 254;
• жалган мамлекеттик номуру менен унаа башкаруу - 5;
• белгиленген ылдамдыктан ашуу - 5 020;
• жөө жүргүнчүлөр катышкан жол эреже бузуулар - 1 215;
• автоунаанын терезелерин мыйзамсыз караңгылатуу - 54;
• транспорт каражаттарынын эксплуатациялоо эрежелерин бузуу- 4 087;
• автоээнбаштык - 5;
• башка жол эрежелерин бузуу фактылары - 11 390.