Сокулукта бир тууган эжесин өлтүрүүгө шектелген 15 жашар өспүрүм эки айга камакка алынды

Сокулук районунда бир тууган эжесинин өмүрүн кыюуга шектелген өспүрүм эки айга камакка алынды. Бул тууралуу бүгүн, 29-августта Чүй облустук милициясынан билдирди.

Маалымдалгандай, Сокулук райондук сотунун чечими менен 2008-жылы туулган Ж.М. эки айга камакка алынды.

Белгилей кетсек, кечээ Сокулук районунун Кашка-Баш айылында 2000-жылы туулган Д.М. аттуу жарандын 23-август күнү киши колдуу каза болгондугу маалымдалган.

Аталган факты боюнча Кылмыш-жаза кодексинин 122-беренесинин (Адам өлтүрүү) негизинде кылмыш иши козголгон.

Шектүү катары маркумдун иниси 2008-жылы туулган Ж.М. аттуу жаран кармалып, убактылуу кармоочу жайга киргизилген.