Садыр Жапаров “Кыргыз Республикасынын мамлекеттик сыйлыктары менен сыйлоо жөнүндө” жарлыкка кол койду

Эгемендик күнүнө карата бир катар кыргызстандыктар мамлекеттик сыйлыктар менен сыйланды. Бул тууралуу бүгүн, 30-августта президенттин маалымат кызматынан билдиришти.

Маалым болгондой, өлкө башчысы Садыр Жапаров “Кыргыз Республикасынын мамлекеттик сыйлыктары менен сыйлоо жөнүндө” жарлыкка кол койду.

"Анда өлкөнүн социалдык-экономикалык, интеллектуалдык жана маданий потенциалын өнүктүрүүгө кошкон олуттуу салымы, кесиптик ишмердигиндеги зор жетишкендиктери үчүн, ошондой эле Кыргызстандын көз карандысыздык күнүнө байланыштуу төмөнкү жарандар мамлекеттик сыйлыктар менен сыйланышты", - деп айтылат маалыматта.

Сыйлык алгандарды президенттин расмий сайтынан көрүүгө болот.