Төрага Өзгөндөгү жатак-мектеп интернатына 200 миң сом тапшырды

Жогорку Кеңештин төрагасы Нурланбек Шакиев Өзгөн районундагы иш сапарынын алкагында “Салам-Алик” балдардын эс алуу лагеринин ишмердүүлүгү менен таанышып, анда эс алып жаткан Т.Разаков атындагы жатак-мектеп интернатынын окуучулары менен жолугушту.

Парламенттин басма сөз кызматынан билдиргендей, жолугушууда төрага жеткинчектерге кең келечек каалады. Муну менен катар 1997-жылдан бери аталган жатак-мектеп интернатынын тарбиялануучуларына колдоо көрсөтүп, жыл сайын лагерде эс алдырып, демөөрчүлүк кылып жаткан депутат Элмурза Сатыбалдиевге ыраазычылык билдирип, бул көрсөтүлгөн камкордук келечекке жасалган чоң инвестиция экенин белгиледи.

Жолугушуунун соңунда Нурланбек Шакиев аталган жатак-мектеп интернатына жардам катары 200 миң сомдук сертификат тапшырып, кийинки жылы да каржылык колдоо көрсөтүлөрүн кошумчалады.