Социалдык тармакта улут аралык кастыкты козуткан жаран кармалды

Социалдык тармакта улут аралык кастыкты козуткан жаран кармалды. Бул тууралуу бүгүн, 4-сентябрда Ички иштер министрлигинен билдирди.

Маалыматка ылайык, 2-сентябрда социалдык тармактарда белгисиз жарандын регион аралык кастыкты козутуучу сөздөрдү айтып видео кайрылуу жасаган видеосу тараган.

Аталган факты боюнча Кылмыш-жаза кодексинин 330-беренесинин (Расалык, этностук, улуттук, диний же региондор аралык кастыкты козутуу) боюнча кылмыш иши козголгон.

Ыкчам-иликтөө иш-чараларынын натыйжасында 1996-жылы туулган А.С. аттуу жарандын аты-жөнү такталып, Бишкек ШИИББдин Тергөө кызматына жеткирилген.

Учурда тергөө амалдары улантылып жатканы кошумчаланды.