Түркиянын Кара деңиз жээгиндеги шаарда нөшөрлөгөн жамгыр жаап, сел каптады (видео)

Түркиянын түндүгүндө нөшөрлөгөн жамгырдан кийин Кара деңиз жээгинде жайгашкан Гиресун шаарын сел каптады. Бул тууралуу CNN Turk кабарлады.

Маалымдалгандай, нөшөрлөгөн жаан 2-сентябрда кечинде башталган. Жаандын кесепетинен шаардын борбордук бөлүгүндөгү көчөлөрдү суу каптап, 1-кабаттардагы айрым үйлөрдү суу каптаган.

Суу каптаган жолдор айдоочулардын унаалар менен жүрүшүн кыйындаткан.

Аба ырайынын кесепеттерин жоюу үчүн коммуналдык кызматтар канализациянын люктарын ачкандан кийин суу ошол жакка агып кеткен.