Бишкекте 8 менчик объектилердин тосмолору иретке келтирилди

Бишкекте курулуп жаткан объектилер убактылуу тосмолорду иретке келтирүүдө. Бул тууралуу бүгүн, 4-сентябрда Бишкек мэриясынан билдиришти.

Маалымдалгандай, Бишкекте курулуп жаткан объектилердин айланасындагы убактылуу тосмолордун эстетикалык көрүнүшүн иретке келтирүү уланууда.

Ага ылайык, 8 менчик ээлери тосмолорду иретке келтиришти:

- Фучик көчөсү, 38 дарегиндеги 12 кабаттуу турак үй;
- Орозбеков көчөсү, 43 дарегиндеги мейманкана;
- Горький көчөсү, 33 дарегиндеги көп кабаттуу үй;
- Абдымомунов/Исанов көчөсүндөгү 12 кабаттуу бизнес борбору;
- «СК Авента Строй» ЖЧКсы, Гражданская көчөсү, 24 дарегиндеги жер астындагы унаа токтоочу жайлары бар 9 кабаттуу көп батирлүү турак жай;
- Загорская көчөсүн бойлой өз аймагындагы турак жайлары жана жер астындагы унаа токтоочу жайлары бар 12 кабаттуу турак жай;
- «Делмар Групп» ЖЧКсы Кийизбаев көчөсү, 32, 34, 36, 38-38а, 40 даректериндеги өз аймагындагы СКБ объектилери бар 12 кабаттуу көп батирлүү турак-жай;
- Салиева, 204 көчөсүндөгү 12 кабаттуу турак жай;

Маалым болгондой, мурда курулган объектилерге убактылуу тосмолорду иретке келтирүү тууралуу билдирүүлөр берилген.

Белгилей кетсек, Бишкек шаары боюнча мамлекеттик архитектура-курулуш көзөмөл башкармалыгы муниципалдык администрациялар менен биргеликте мындай мыйзам бузууларды аныктоо жана бөгөт коюу боюнча тынымсыз иш алып барууда.