Бишкекте экинчи жаңы скважинаны бургулоо аяктады

Бишкекте сугат иштери үчүн экинчи жаңы скважинаны бургулоо иштери аяктады. Бул тууралуу Бишкек мэриясынан билдиришти.

Маалым болгондой, "Бишкек суу чарба" муниципалдык ишканасынын өндүрүштүк иш планына ылайык, шаардын жашыл аянттарын андан ары сугаруу үчүн Ахунбаев жана Көк-Жаңгак көчөлөрүнүн кесилишиндеги экинчи жаңы скважинаны бургулоо иштери аяктады.

Ага ылайык, скважинанын тереңдиги 190 метр, кубаттуулугу секундасына 65 метр куб сууну, секундасына 17 литрди түзөт.

Белгилей кетсек, Профсоюз – Нарвск, Л.Толстой – Логвиненко, Жайыл-Баатыр – Чортеков, Ахунбаев – Көк-Жаңгак, Ауэзов – Анкара, Театр аянты даректеринде 6 жаңы скважинаны бургулоо пландалууда.