"Бир сезондо 2 миң адам". Өлкөдө кызамык оорусу 2 жумадан бери азая баштады

Республикалык иммунопрофилактика борборунун маалыматы боюнча, Кыргызстанда экинчи жума катары менен кызамык оорусунун азайышы байкалууда. Бул тууралуу Коронавирустун өлкө аймагына кирүүсүн алдын алуу жана жайылышына жол бербөө боюнча Республикалык штабдан билдиришти.

Маалыматка ылайык, учурда оорунун деңгээлинин 15 пайызга акырындык менен төмөндөшү байкалган.⠀

Кошумчалангандай, өлкөдө бир сезон ичинде эле кызамык оорусу менен ооруган 2 миң учур катталган.

Оору менен жабыркагандардын санынын өсүшүнө байланыштуу Республикалык жугуштуу оорулар ооруканасында кошумча бөлүмдөр ачылган. Дарыгерлердин айтымында, учурда бейтаптар келүүдө. Алардын көпчүлүгүн эмдөөдөн өтпөгөндөр жана бир жашка чейинки балдар түзөт. Бүгүнкү күндө ооруканада 52 бейтап дарыланып жатат.

Аталган мекеме жарандарга оорунун алдын алуу үчүн өз убагында эмдөөдөн өтүүнү сунуштоодо.