Украинанын коргоо министринин үч орун басары кызматтан кетти

Украинанын коргоо министринин сегиз орун басарынын үчөө ведомство башчысы Алексей Резников кеткенден кийин кызматтан кетишти. Бул тууралуу Украинанын Жогорку Радасынын депутаты Алексей Гончаренко өзүнүн Telegram-каналында билдирди.

“Коргоо министринин орун басарлары Гаврилов, Дейнега жана Шевченко кызматтан кетүү тууралуу арыз жазышты", - деп жазды ал.

Украинанын коргоо министринин сегиз орун басары, анын ичинде мамлекеттик катчысы бар.

3-сентябрда Володимир Зеленський Резниковдун Украинанын коргоо министри кызматынан кеткенин жарыялаган. Резников бул кызматты 2021-жылдан бери аркалап келген.

Кечээ, 5-сентябрда Жогорку Рада анын кызматтан алынышын колдоду.