Болгарияда селден каза болгондордун саны төрткө жетти

"Болгариянын Царево шаарында суу ташкынынан каза болгондордун саны төрткө жетти" деп билдирди Болгариянын телеграф агенттиги (БТА) өлкөнүн ички иштер министрлигине таянуу менен.

Буга чейин эки өлүм болгону кабарланган. Селге алып келген нөшөрлөп жааган жамгырдан улам Царево муниципалитети өзгөчө кырдаал жарыялап, эвакуациялоо иштери жүргүзүлгөн.

Дээрлик 24 саат бою токтобогон жаандан улам бир нече көпүрө талкаланып, алар өз кезегинде Ахтополь, Варвара, Синеморец жана Резово калктуу конуштарын обочолонтуп койгон.

"Төртүнчү каза болгон адамдын сөөгү Царево облусунда суу ташкынынын натыйжасында табылды", - деп айтылат макалада.

Агенттиктин маалыматы боюнча, төртүнчү жабырлануучу Царево шаарынын сотунун башчысынын кызы болгон.

Кечээ шаршембиде Цареводо аза күтүү күнү жарыяланган.

Ушундай эле суу ташкыны Греция жана Түркияда да орун алган.