Нарындагы окуучуларга президенттин атынан эки кичи автобус белекке берилди

Нарындын Жумгал районунун Миң-Куш айылындагы мектеп окуучуларга президент Садыр Жапаровдун атынан эки кичи автобус белек кылды. Бул тууралуу мамлекет башчысынын Нарын облусундагы өкүлчүлүгү кабарлады.

Маалымдалгандай, мындан ары балдар кышында суукка тоңбой жаңы унаалар менен окууга барышат. Буга чейин айыл өкмөтү тарабынан атайын унаа уюштурулуп, алыс жерде жашаган окуучуларды ташычу.

Миң-Куштагы үч мектепте жалпы жонунан 567 окуучу билим алат. Аларга 63 мугалим сабак берет.

Ал арада Казакстандын Алматы шаарында жаңы окуу жылынан тартып мектеп автобустары иштеп баштаганы кабарланган. Пилоттук долбоордун негизинде 100 автобус сатылып алынып, окуучуларды бекер ташып жатканы айтылган.

Белгилей кетсек, ушул жылдын июлунда президент Садыр Жапаров Миң-Куш айылынын жергиликтүү калкы менен жолугуп, анда эл балдарды ташыган автоунаа берүүсүн суранган.