"Казакстандан кышында канал кечип качып келгем" дейт ДЦП менен жабыркаган Алтынай

SUPER.KG порталынын бул жолку "Мен өзгөргүм келет" долбоорубунун каарманы ДЦП оорусу менен жабыркаган Алтынай Тентиева болду. Ал ден соолугу, жашоосундагы кыйынчылыктары жана ага карабастан келечекке койгон максаттары тууралуу айтып берди.

"Тил уккан күндөрүм көп эле болгон, "шалдырабай катуураак кармабайсыңбы, колуң иштебейби" деп көп кемсинтүүлөр дагы болгон. Андай кемсинтүүлөргө көнүп деле калдым. Жумушка алдап алып барып, талаага иштетип койгон күндөр дагы болгон. Алдап Казакстанга алып кетишип, ал жактан кышында каналды кечип качып келген күндөр болду. Кулчулукта калып калгам. Казакстанда мал бакчумун", - деди ал.