Кадамжайда мыкаачылык менен өлтүрүлгөн 14 жашар кыз: Сот шектүүлөрдүн бирине өкүм чыгарды

Баткен облустук соту Кадамжай районунда 14 жаштагы кызды зордуктап андан кийин өлтүргөн деп кармалгандардын биринин абак жазасын күчүндө калтырды. Бул тууралуу соттун басма сөз кызматы билдирди.

Билдирүүгө ылайык, облустук сот 8-сентябрда Кадамжай райондук сотунун 7-февралдагы өкүмүн өзгөрттү.

"Баткен облустук сотунун өкүмү менен Кадамжай райондук сотунун 2023-жылдын 7-февралындагы өкүмү өзгөртүлдү. Э уулу Бнын өкүмү мыйзамдуу күчүнө киргенге чейинки камакта кармоонун бир күнү эркиндиктен ажыратуунун эки күнүнө барабар деп эсептелинип, өкүмдүн калган бөлүгү өзгөртүүсүз калтырылды", - деп билдиришти облустук соттон.

Эске салсак, 2022-жылдын 4-сентябрь күнү Баткен облусунун Кадамжай районунун Ноогардан айылында саат 15:25 чамасында сел өтүүчү тоннелдин ичинде колу артка жип менен байланган, моюнунан жип менен муунтулуп киши колдуу өлтүрүлгөн кыздын жансыз денеси табылган. Кылмышка шектүү катары жалпысынан 4 жаран кармалган.

3-декабрдан 4-декабрга караган түнү Ош шаарындагы СИЗОдо ушул кылмышка шектүүлөрдүн экөө асынып алган.

Февраль айында Кадамжай райондук соту Э уулу Бны 10 жылга эркинен ажыратса, дагы бир шектүү Г.Д.И. күнөөлүү деп табылып, мүлкүн конфискациялоо менен өмүр бою эркинен ажыратылган.