Чүй облусунун Москва районунда баңги заты менен 19 жаштагы жигит колго түштү

Чүй облусуна караштуу Москва районунда мыйзамсыз баңги затты сактап жүргөндүгү үчүн 19 жаштагы З.Н. кармалды. Бул тууралуу Чүй облустук ИИББинин басма сөз кызматы бүгүн билдирди. 10-декабрь күнү эртең мененки саат 9:00дар чамасында Москва райондук милиция кызматкерлеринин текшерүү маалында аталган жарандан баңги заты табылган. З.Ннын айтымында, ал баңги затты жеке колдонуу үчүн сактап жүргөн. Учурда бул иш боюнча Кылмыш кодексинин 246-беренеси (Мыйзамсыз баңги затты сактоо) боюнча  кылмыш иши козголуп, тергөө иштери жүрүүдө.