Кадамжайда алдамчылыкка шектелип чет элдик жаран кармалды

Кадамжайда чет өлкөнүн жараны алдамчылыкка шектелип кармалды. Бул тууралуу SUPER.KG порталына Баткен облустук милициясынан билдиришти.

Маалымдалгандай, Кадамжай районунун Ак-Турпак айыл аймагынын үч тургуну июль айында чет өлкөнүн жаранына пластик эшик-терезелерди жасатуу үчүн акча берип, бирок ушул күнгө чейин акчасын же товарын ала албай жүргөндүктөрүн айтып, милицияга арыз менен кайрылышкан.

Арыздардын негизинде Кылмыш-жаза кодексинин 209-беренеси (Алдамчылык) менен иш козголгон. Иликтөө иштеринин натыйжасында жабырлануучуларга жалпысынан 104 миң сомдук зыян келгендиги аныкталган.

Кадамжай РИИБинин ыкчам кызматкерлери иликтөө иш-чараларында чет өлкөнүн 26 жаштагы Ю.А. аттуу чет өлкөнүн жараны Бүргөндү айылынан кармалган.

Ал убактылуу кармоочу жайга киргизилип, тергөө иштери уланууда.