Антальяда изделип жаткан Эркингүл Бектурганова аман-эсен табылды

Антальяда изделип жаткан Эркингүл Бектурганова аман-эсен табылды. Бул тууралуу анын жакындары билдирди.

"Буюрса, Эркингүл Бектурганова эжебиз аман-эсен табылды. Азыркы учурда Орусияда, уулунун жанында. Маалыматтык колдоо көрсөткөн SUPER.KG сайтына ыраазычылык билдиребиз. Кабар чыккан күнү Антальядагы консул Жанат Расулжанов, кызматкер Рахим Мансуров жана "Кыргыз Айымдары" коомунун жетекчиси Периза Асаналиева байланышка чыгышты. Эжебиздин жүргөн жерин бир күндө аныктап, ошол күнү барып Антальянын Aglasun жайлоосунан таап, алып келишти. Ден соолугу начарлагандыктан төрт күн Антальяда карашып, андан соң уулунун жанына Орусияга учак менен узатышты. Ыраазычылык билдирип, иштерине ийгиликтерди каалайбыз",- деди жакындары.

Эске салсак, 5-сентябрда Эркингүл Бектурганованын жакындары анын Анталья шаарында жоголуп кеткенин айтып кайрылышкан. Ал 22-августтан бери дайынсыз болуп жаткан.