Зулушев Бакуда КМШ мамлекеттеринин башкы прокурорлорунун кеңешине катышууда

Башкы прокурор Курманкул Зулушев баштаган делегация Азербайжандын Баку шаарында Көз карандысыз Мамлекеттердин Шериктештигине (КМШ) мүчө өлкөлөрдүн башкы прокурорлорунун Координациялык кеңешинин жыйынына катышууда.

Башкы прокуратурадан билдиргендей, анын жүрүшүндө Зулушев "Тестиер өспүрүмдөрдүн укугун коргоо жаатында Кыргызстандын прокуратура органдарынын тажрыйбасы" аталышында баяндама жасады.

Иш-чаранын жүрүшүндө прокурордук ишмердиктин түрдүү багыттары, КМШ мейкиндигинде трансулуттук кылмыштарга биргеликте чара көрүү, алардын алдын алуу үчүн тыгыз кызматташуу маселелери кеңири талкууланып, тажрыйба бөлүшүлдү.

Отурумдун жыйынтыгында Координациялык кеңештин бир катар чечимдерине кол коюлду.