Валентина Шевченко менен Алекса Грассонун көз караштар таймашы болду (видео)

Кыргызстандык мушкер айым Валентина Шевченко менен мексикалык Алекса Грассонун көз караштар таймашы болду.

Жеңил салмак категориясында беттешке чыккан мушкерлер акыркы жолу ушул жылдын март айында күч сынашкан. Анда Грассо Шевченкону муунтуу ыкмасы менен жеңип алган. Бул кыргызстандык мушкердин 2017-жылдан бери биринчи жеңилүүсү болгон.

Шевченко чемпиондук титулун кайрып алуу үчүн реваншка чыгып жатат. Ал эми Грассо эртең алгачкы ирет чемпиондук титулун коргойт.

Белгилей кетсек, 17-сентябрда Лас-Вегаста UFC 285 турниринин алкагында кыргызстандык мушкер Валентина Шевченко мексикалык Алекса Грассо менен беттешет. Алар Бишкек убактысы боюнча жекшемби күнү эртең менен саат 9:00дө октагонго чыгары болжолдонууда.

Кыргызстандык мушкер тай бокс, кикбоксинг жана аралаш мушташ боюнча дүйнөнүн бир нече жолку чемпиону болуп саналат. Ал ММА спортундагы карьерасында 23 жолу жеңишке жетишип, 4 жолу жеңилүү ызасын тарткан. Ал эми мексикалык Грассонун эсебинде 16 жеңиш жана 3 жеңилүүсү бар.