Эми Бишкектеги коомдук транспортто накталай акча алган айдоочулар иштен алынат

Бишкекте коомдук транспортто накталай акча алган айдоочулар иштен алынат. Бул тууралуу бүгүн, 18-сентябрда Бишкек мэриясынан билдиришти.

Маалым болгондой, "Бишкек жүргүнчүлөр автотранспорт ишканасы" муниципалдык ишканасынын директору Бакыт Темикеев менен айдоочулардын ортосунда жыйын өткөн. Анда Бишкектеги автобустарда накталай эмес төлөм жүргүзүү боюнча буйруктун аткарылышы тууралуу маселе көтөрүлдү. Айдоочуларга жүргүнчүлөрдөн накталай акча алганы аныкталса, жумуштан бошотууга чейин тиешелүү жаза чаралары көрүлөрү эскертилди.

Ошондой эле кеңешменин жүрүшүндө жаңы автобустардын катышуусундагы жол кырсыктарынын көбөйүшү боюнча маселе каралып, мындай учурларды четтетүү боюнча өтө катаал жана ыкчам чараларды көрүү боюнча милдеттер коюлду.