Селекциядагы окуя: Күйөөсү бети-башын кескилеп салган аялга 8 саатка чукул операция жасалды

Бишкектин четиндеги Селекция конушунда күйөөсү бети башын кескилеп салган аялга 8 саатка чукул операция жасалды. Бул тууралуу Саламаттыкты сактоо министрлигинен билдиришти.

Министрлик бети кесилген аялдын абалы орточо оор экенин билдирди. Учурда ал Улуттук госпиталда жатат.

"Бети кесилген жараат менен түшкөн бейтаптын операциядан кийинки абалы орточо оор деп бааланууда. Жалпысынан операция сегиз саатка жакын созулду. Жабырлануучу жандандыруу бөлүмүнөн жаак-бет хирургия бөлүмүнө которулуп, медицина кызматкерлеринин көзөмөлүндө", - деп билдиришти министрликтен.

Эске салсак, буга чейин Чүйдүн Селекция айылында күйөөсү аялынын бети-башын кескилеп, таң атканча кыйноого алганы боюнча маалымат социалдык тармактарга жарыяланган. Жабыркаган келин оор абалда жандандыруу бөлүмүндө жатканы да айтылган болчу. Көп өтпөй облустук милициядан шектүүнүн кармалганын билдиришти.

SUPER.KG порталы окуянын чоо-жайын билүү үчүн жерине барган. Андагы видеону толугу менен шилтеме аркылуу өтүп, көрө аласыздар.