Бишкектин Дордой конушунда жаңы бала бакча курулууда

Бишкектин Дордой конушунда бала бакча курулууда. Бул тууралуу бүгүн, 25-сентябрда Бишкек мэриясынан билдиришти.

Маалым болгондой, Свердлов районунун башчысы Максатбек Саргазаков Дордой конушундагы курулуп жаткан бала бакчадан кабар алды.

Аталган бала бакча "Монолит Строй" ЖЧК подряддык уюму тарабынан курулуп, долбоордо 140 орун каралган.

Бала бакчада төмөнкүлөр болот:

- окуу класстары, оюн бөлмөлөрү;
- балдар менен иштөө үчүн квалификациялуу педагогдор жана тарбиячылар;
- оюн жана спорт аянтчалары;
- маданий жана чыгармачылык иш-чаралар үчүн бөлмөлөр;
- эс алуу жана тамактануу зоналары;
- балдар үчүн бардык зарыл шарттар жана коопсуздук чаралары.

Учурда объект курчап турган аймакты ички жасалгалоонун жана көрктөндүрүүнүн акыркы стадиясында турат.