Бишкекте үй-бүлөлүк дарыгерлер борборлорунун ишмердүүлүгү текшерилди

Борбор калаада үй-бүлөлүк дарыгерлер борборлорунун ишмердүүлүгү текшерилди. Бул тууралуу бүгүн, 26-сентябрда Бишкек мэриясынан билдиришти.

Маалым болгондой, кызамык жана кызылча ооруларын алдын алуунун алкагында үй-бүлөлүк дарыгерлер борборлорунда профилактикалык эмдөөлөр жүргүзүлүүдө.

Ага ылайык, Биринчи Май районунун акиминин орун басары Айнура Арстамбекова №7 балдар борборунда болуп, эмдөө бөлмөсүн көрүп чыгып, ата-энелер менен баарлашты.

"Ошондой эле медайымдар балдарды эмдөө боюнча маалыматтык кампанияларды үзгүлтүксүз жүргүзүп жатышканын билдирди.

Мындан тышкары, Айнура Арстамбекова массаж бөлмөсүндөгү полду төшөө, оңдоо иштеринин жүрүшү, ишти өз убагында жана сапаттуу бүткөрүү боюнча подрядчынын көрсөтмөлөрү менен таанышты", - деп айтылат маалыматта.