Баткенде энергетиктер үчүн жаңы имарат салынууда

Баткен жана Сүлүктү шаарларында энергетиктер үчүне жаңы имарат салынууда. Бул тууралуу Энергетика министрлигинен билдиришти.

Маалымдалгандай, Энергетика министринин орун басары Талайбек Байгазиев Баткен облусунда жумушчу сапары менен болуп, Баткен жана Сүлүктү шаарларында энергетиктер үчүн жаңы салынып жаткан имараттын курулушуна капсула салды.

Ага ылайык, иш чарага президенттин Баткен облусундагы ыйгарым укуктуу өкүлү Абдикарим Алимбаев, Жогорку Кеңештин депутаты Чыңгыз Ажибеков жана бир канча жетекчилер катышты.

"Баткен шаарында салынып жаткан Баткен электр тармактар ишканасынын имаратынын жалпы сметалык баасы 221 миллион сомду түзсө, ал эми Сүлүктү шаарындагы Сүлүктү райондук электр тармактар ишканасынын имаратынын курулушунун жалпы сметалык баасы 56 миллион сомду түздү.

Аталган акча каражаты "Кыргызстан улуттук электр тармагы" ачык акционердик коомунун жеке бюжетинен каржыланып, 2024-жылдын биринчи кварталында курулуштун биринчи этабын бүткөрүү пландалууда", - деп айтылат маалыматта.