"Бишкек жашыл чарба" ишканасы жашылдандыруу иштерин улантууда 

"Бишкек жашыл чарба" муниципалдык ишканасы шаарды штаттык режимде тейлөөнү улантууда. Бул тууралуу бүгүн, 27-сентябрда Бишкек мэриясынан билдиришти.

Маалымдалгандай, учурда жашылдандыруучулар Жаш Гвардия бульвары, Турусбеков, Жукеев-Пудовкин көчөлөрү, Чүй жана Жибек-Жолу проспектилери, Фере, Горький, 7-апрель, Чолпон-Ата көчөлөрү, ошондой эле борбор калаанын кичи райондору менен конуштарында газондорду отоо чөптөрдөн тазалап жатышат.

Ошол эле учурда Байтик-Баатыр, Сүйөркулов, Пушкин көчөлөрүнүн боюндагы, Жеңиш аянтындагы бир жылдык гүлзарларды чөптөрдөн тазалоо иштерин өткөрүүдө.

"Жашыл көчөттөрдү арык жолу жана атайын техниканын жардамы менен сугаруу Чүй проспектиси, 7-апрель, Тынчтык проспектиси, Манас проспектисинде, №4 шаардык оорукананын скверинде, театралдык скверде, Ата-Түрк паркы, "Ынтымак" 1,2 жана башка жерлерде жүргүзүлдү. Ага ылайык, Манас проспектисинде азыр 200 ийне жалбырактуу туй отургузулду", - деп айтылат маалыматта.