"Мурдагыдай болбойт". Селекцияда бети кесилген келиндин эжеси үн катты

Бишкектин четиндеги Селекция конушунда мурдагы күйөөсү тарабынан зомбулукка кабылган келинге дагы операциялар жасалат. Бул тууралуу анын эжеси социалдык тармактагы баракчасы аркылуу билдирди.

"Тилекке каршы эми кулагы менен мурду мурдагыдай болбойт. Кулак менен мурдунун аз эле бөлүгү сакталып калыптыр. Эми алдыда дагы операциялар жасалат", - деп жазды ал.

Эске салсак, 20-сентябрда милиция Чүй облусунун Сокулук районундагы Селекция айылында аялын бычактоого шектелген 39 жаштагы жаранды кармаган. Шектүү аялынын мурдун, кулактарын кесип салган.

Чүй облустук милициясынын маалыматына караганда, бычакталып ооруканага түшкөн аял мурда күйөөсүнө каршы эки жолу арыз жазган.

Сокулук райондук сотунун чечиминин негизинде шектүү 20-ноябрга чейин камакка алынды.