Бишкекте видеокөзөмөл камераларын орнотуу уланууда

Борбор калаада видеокөзөмөл камераларын орнотуу уланууда. Бул тууралуу бүгүн, 28-сентябрда Бишкек мэриясынан билдиришти.

Маалымдалгандай, мындай видеокөзөмөлдөр Бишкектин бардык булуң-бурчуна орнотулат.

Ага ылайык, каражат жергиликтүү бюджеттен Бишкек шаардык кеңештин буйругу менен бөлүнгөн. Ошол эле учурда "Коопсуз шаар" программасынын алкагында Биринчи Май районуна 2 миңден ашык видеокөзөмөл камераларын орнотуу пландалууда.

Алсак, райондо күндүз жана түнкүсүн түстүү видеого тартуу мүмкүнчүлүгү бар 53 даана атайын техника орнотулду.

"Видеокөзөмөл орнотуу үчүн бул жерлер кокусунан тандалып алынган эмес, жакында №13 МАБдын жашоочулары синтетикалык баңги затын күрөөгө койгондорду байкай башташты. Алар күндүзү ачык убакытта жашырып, түн ичинде кардарлары алып кетишкен. Ошондуктан, көчөлөрдүн аттары айтылбайт", - деп айтылат маалыматта.

Аныкталган фактылар катталып, укук коргоо органдарына жөнөтүлөт.