Өлкөдө наабайчылар кыргыз унунан нан жаап башташты

Кыргызстанда наабайчылар жергиликтүү ундан нан жаап баштады. Бул тууралуу Монополияга каршы жөнгө салуу кызматынан билдиришти.

Маалыматка караганда, 1-сорттогу “Тулпар” унунан тандыр наны жабылып, сатыкка чыгара башташты.

Анда, наабайчылар сапаты жагынан импорттук ундардан кем калышпаган, камырдын ийкемдүүлүгү мыкты экендигин айтышты.

Ага ылайык, аталган кызматтын адистеринин демилгеси менен, атайын эксперт жүргүзүлүп, Ош облусундагы наабайканалардын биринде жергиликтүү ундун 1-сортунан тандыр наны чыгарылган.

Мындан тышкары маалыматта Кыргызстандын уну импорттук ундарга салыштырмалуу, кубаттуулугу жана курамы бир топ минерал заттар менен байытылгандыгы айтылды.

"Кыргызстан Ун комбинаттары ассоциациясынын жетекчиси Рустам Жунушев кыргыз унунун курамында, темир, фолий кычкылдыгы сыяктуу бир нече табигый пайдалуу минералдар бар экенин билдирди. Кыргыз уну атайын лабораториялардан өткөрүлүп турат",- деп айтылат маалыматта.