Бишкекте тазалык тартибин бузгандарга протоколдор түзүлдү

Бишкек мэриясынын көрктөндүрүүнү контролдоо боюнча муниципалдык инспекциясынын инспекторлору таңкы саат 06:00дөн баштап шаар аймагында таштандылар топтолгон айрым пункттарда рейддерди жүргүзүштү. Бул тууралуу бүгүн, 29-сентябрда Бишкек мэриясынан билдиришти.

Маалым болгондой, текшерүү учурунда белгиленбеген жерлерге турмуш-тиричилик таштандыларын таштоо жана өз аймагынын тазалык талаптарын аткарбагандыктан "Укук бузуулар жөнүндө" кодекстин талаптарына ылайык 10 чарба субьектилерине жана 2 жаранга протоколдор түзүлдү.

"Урматтуу шаар тургундары! Инспекция сиздерди тиричилик жана башка таштандыларды таштанды челектерине таштоого, өспүрүмдөргө экологиялык жактан үлгү көрсөтүүгө жана шаарыбызга кам көрүүгө чакырат.

Көрктөндүрүү эрежелери бузулган учурда инспекция күнөөсүн моюнуна алган, албаганына карабастан протоколдор түзүлөрүн эскертет", - деп айтылат маалыматта.