3-октябрда Кыргызстандагы шаарларда сиреналар жаңырат

3-октябрь күнү, саат 10-11:00гө чейинки аралыкта Бишкек, Ош шаарында жана облус, райондун борборлорунда 5 мүнөткө чейин сиреналар катуу жаңырып, машыгуу өтөт. Бул тууралуу Өзгөчө кырдаалдар министрлигинен билдиришти.

"Андыктан жарандарды сиренанын үнүн укканда дүрбөлөнгө түшпөөгө чакырабыз. Бул машыгуу!

Машыгуунун максаты - өзгөчө кырдаалдар катталган учурда жарандардын өзүн алып жүрүү, адам өмүрүн сактоо, материалдык чыгымдарды азайтуу максатын көздөйт жана “5-октябрь – Кыргызстанда кырсыктардын тобокелдигин азайтуу күнүнө” карата уюштурулат", - деп билдиришти ӨКМдан.

Аталган иш-чарага республикадагы бардык мамлекеттик ведомствалары, билим берүү мекемелери менчигинин түрүнө карабастан мекеме ишканалардын катышуусу мерчемделген.

"Буга байланыштуу жалпыга маалымдоо каражаттарын өтө турган машыгуу тууралуу коомчулукка туура маалыматты жеткирүүгө жана жарандарды так эмес маалыматтарга ишенбөөгө, дүрбөлөңгө түшпөөгө чакырабыз", - деп кошумчалашты министрликтен.