Садыр Жапаров Кочкордогу "Орман Хан" сейил багына барып, ат чабышты түз эфирден көрдү

Өлкө башчы Садыр Жапаров бүгүн, 2-октябрда Нарын облусунун Кочкор районундагы реконструкцияланган "Ормон Хан" паркын көрүп чыкты.

Президенттин басма сөз кызматынан билдиришкендей, паркты көрктөндүрүү иштери тарыхый ишмер Ормон Хан Ниязбек уулунун 230 жылдык мааракесин белгилөөгө арналган иш-чаралардын алкагында жүргүзүлгөн.

"13 гектар аянттагы "Ормон Хан" паркы 1995-жылы эле ачылган. Пландаштырылган иш-чаралардын алкагында аны реконструкциялоого республикалык бюджеттен 36 миллион сомдон ашык каражат каралган. Бүгүнкү күндө паркта эс алуучулардын ыңгайлуулугу үчүн жаңы тротуардык плитка төшөлгөн, жарыктандырылган сейилдөө аймагы курулган, ирригациялык система калыбына келтирилген.

Оркестрдин коштоосунда маданий-оюн-зоок программасы өтүп жаткан "Ормон Хан" паркында мамлекет башчысы реконструкциядан кийинки паркты көрүп чыгып, Ормон Хандын 230 жылдыгына карата майрамдык иш-чаралардын алкагында өлкөнүн бардык облустарынын өкүлдөрү тарабынан жасалгасы менен орнотулган боз үй шаарчасына барды. Аталган программага катышкан коноктор менен баарлашып, боз үйдөгү аксакалдар менен чогуу аламан байге ат чабышын түз эфирде көрүп отурду", - деп жазылат билдирүүдө.