Элчи Айбек Артыкбаев Монголиянын Тышкы иштер министри менен жолугушту  

Бүгүн, 5-октябрда Кыргызстандын Монголиядагы элчиси Айбек Артыкбаев Монголиянын тышкы иштер министри Батцэцэг Батмунхийн менен жолугушту.

Тышкы иштер министрлигинен билдиришкендей, жолугушууда тараптар өлкө башчы Садыр Жапаровдун Монголияга болгон мамлекеттик сапарынын алкагында жетишилген макулдашууларды ишке ашыруу, Монголиянын премьер-министри Лувсаннамсрайин Оюун-Эрдэнэнин Бишкек шаарында өтө турган ШКУга мүчө мамлекеттердин өкмөт башчылар кеңешинин 22- отурумуна катышуусун уюштуруу маселелерин талкуулашты.

Артыкбаев кыргыз тарап жогорку деңгээлдеги өз ара парламенттер аралык жана өкмөттөр аралык сапарларды иштеп чыгууга, ошондой эле соода-экономикалык, илимий-техникалык жана маданий-гуманитардык кызматташуу боюнча өкмөттөр аралык комиссиянын кезектеги отурумун өткөрүүгө даяр экенин билдирди.

Жолугушуунун жыйынтыгы боюнча тараптар өз ара кызыгууну жараткан маселелерди тез ара чечүү максатында дайыма байланышта болуу тууралуу макулдашышты.