Өлкөдө кызамык жана кызылчага каршы эмдөө уланууда 

Өлкөдө кызамык жана кызылчага каршы 440 миң 343 бала эмдөөдөн өттү. Бул тууралуу бүгүн, 6-октябрда Саламаттык сактоо министрлигинен билдиришти.

Маалыматка ылайык, өлкөдө 18-сентябрдан 29-сентябрга чейин өткөрүлгөн кызамыкка жана кызылчага каршы кошумча иммунизациялоо боюнча кампаниянын алкагында 440 миң 343 бала эмдөөдөн өтүштү. Алар максаттуу топтун 76 пайызын түзөт. Эмдөө статусуна же буга чейин кызамык жана кызылча оорусу менен ооруганына карабастан 9 айдан 7 жашка чейинки курактагы балдар эмделди.
⠀
"Эмдөө уланууда. Эмдөөнү ҮМБ/ҮДТ/ФАПтардан жана мектептердеги жана мектепке чейинки билим берүү мекемелериндеги убактылуу эмдөө пункттарынан акысыз алууга болот.
⠀
Вакцина 28 күндөн аз убакыт мурун КПК иммунизациясын алган балдарга гана көрсөтүлгөн эмес", - деп айтылат маалыматта.
⠀