Милиция кызматкерлери "Үмүт" үйүнө видео байкоолорду сатып беришти

Милиция кызматкерлери “Үмүт үйү” улгайган жана майыптыгы бар адамдар үчүн социалдык стационардык мекемесине видеокамераларды сатып беришти. Бул тууралуу бүгүн, 11-октябрда ИИМден билдиришти.

Маалым болгондой, “Улгайган курактагы адамдарга кѳңүл буруу жана камкордук” деген ураандын алкагында ИИМдин кызматкерлери Бишкек шаарындагы “Үмүт" үйү улгайган жана майыптыгы бар адамдар үчүн социалдык стационардык мекемесинин ички жана тышка аймагына коопсуздук үчүн өздөрүнүн каражаттарынан сатып алышкан видео байкоолорду орнотушту.

Ага ылайык, мындай жардамдар республика аймагында жайгашкан полктун бардык бөлүктөрүндө да өткөрүлдү.

Белгилей кетсек, учурда социалдык стационардык мекемесинде 220 карыя жашайт. Алардын ичинен 100ү аялдар, 120сы эркектер, ал эми алардын ичинен 32си майыптыгы бар карыларды түзөт.