УКМК дагы бир аткаминерди кармады (фото)

Камчы Көлбаевдин уюшкан кылмыштуу топторунун иш-аракеттерине каршы күрөшүү боюнча жүргүзүлүп жаткан иш-чаранын алкагында 1969-жылы туулган П.О.В. аттуу жаран кармалды. Бул тууралуу УКМК кабарлады.

"Ыкчам-иликтөө иш-чараларынын жүрүшүндө П.О.В. аттуу жарандын үйүндө жана иш бөлмөсүндө, ок атуучу куралдардын гильзалары, бычактар жана мамлекеттик маанидеги көп сандагы документтер (паспорт, диплом ж.б.) табылып алынган. Жүргүзүлгөн иликтөө иш-чараларынын жыйынтыгы менен П.О.В. УКМКнын убактылуу кармоочу жайына киргизилди", - деп жазылат билдирүүдө.

Мындан тышкары, анын фирмаларынын каржылык ишмердүүлүгүн текшерүүгө буйрук берилди.

Учурда уюшкан кылмыштуу топко тиешеси бар башка адамдарды аныктоо боюнча тиешелүү ыкчам-тергөө иш-чаралары жүргүзүлүүдө.