Бишкекте мыйзамсыз орнотулган жүздөгөн жарнама конструкциялары алынды

Бишкекте мыйзамсыз орнотулган жүздөгөн жарнама конструкциялары алынды. Бул тууралуу бүгүн, 16-октябрда Бишкек мэриясынан билдиришти.

Маалыматка караганда, Бишкек мэриясынын Жер пайдаланууну контролдоо боюнча башкармалыгы жарнамалык конструкцияларды алуу, иретке келтирүү ишин жүргүздү.

Ага ылайык, Свердлов району боюнча Жибек-Жолу проспектисинен (ЧЧК) баштап Курманжан Датка көчөсүнө чейин рейд жүрдү. Рейддин жүрүшүндө уруксатсыз орнотулган 398 жарнамалык конструкциялар алынды. Ошондой эле уруксат кагаздары жок орнотулган 75 чарчы метрди түзгөн 6 бастырма демонтаждалып, анын ичинен 2 бастырма Курманжан Датка көчөсүндө жана 4 бастырма Жибек-Жолу проспектисинде жайгашкан.

Мындан тышкары муниципалдык аймакка өз билемдик менен орнотулган 30 метрлик темир тосмо алынды.

Учурда Биринчи Май районунда демонтаждоо иштери жүрүп жатат.