Эртең Бишкектин айрым жерлеринде суу берилбейт (тизме)

Эртең, 17-октябрда Бишкектин айрым жерлеринде суу өчүрүлөт. Маалыматты калаа бийлигинен кабарлашты.

Белгилүү болгондой, мындай чектөө “Западный” суу алгычында жана шаардык суу түтүктөрүн оңдоо иштерине байланыштуу киргизилди.

Эртең саат 9:00дөн 22:00гө чейин суу өчүрүлө турган аймактардын тизмеси:

Алыкулов көчөсү - БЧК - Ала-Арча дарыясы -Л.Толстой көчөсү;

Юбилейная көчөсү- Горький көчөсү (Прогородное айылы) –Садовая көчөсү (Прогородное айылы) - БЧК.

Аскер шаарчасы, Кызыл-Аскер, 110-квартал, Достук кичи району.

Бишкек мэриясы келтирилген ыңгайсыздыктар үчүн кечирим сурайт жана калкты ичүүчү сууну алдын ала камдап алууну суранат.