“Ирина Кайратовна” тобунун мобилографынын өлүмүнүн себеби айтылды

Астананын Коомдук саламаттыкты сактоо департаменти "Ирина Кайратовна" тобунун концертинде 21 жаштагы мобилографтын өлүмүнүн болжолдуу себебин маалымдады. Бул тууралуу казак басылмалары жазып чыкты.

“14-октябрда Жылкайдаров Шахназдын сөөгү соттук-медициналык экспертиза институтуна жеткирилген. Өлүмдүн азыркы алдын ала себеби - курч геморрагиялык панкреонекроз", - деп айтылат анда.

Өлүмдүн так себеби эки жумага созулган токсикологиялык изилдөөнүн жыйынтыгынан кийин белгилүү болору кошумчаланган.

Белгилей кетсек, 14-октябрда Казакстандын Астана шаарында “Ирина Кайратовна” тобунун коцертинде 21-жаштагы мобилографы сахнада турган жеринен эс-учун жоготуп, кулап түшкөн. Мындан улам концерт токтотулган. Көп өтпөй мобилографтын каза тапканы маалым болгон.

Маалымат үчүн:

Курч геморрагиялык панкреонекроз - уйку безинин олуттуу жана коркунучтуу оорусу, мында бул органдын ткандары начарлай баштайт жана ички кан агуулар пайда болот.