Өлкөдө 9 айдын ичинде 740 миңден ашык айдоочу жол эрежесин бузган

ЖКККББ 9 айдын ишмердүүлүгүн жыйынтыктоо боюнча ыкчам кеңешме өткөрдү. Бул тууралуу Жол кыймылынын коопсуздугун камсыздоо башкы башкармалыгынан билдиришти.

Маалыматка ылайык, жыл башынан бери ЖКККББы тарабынан жалпысынан 746 миң 673 жол эрежелерин бузган айдоочулар аныкталып, мамлекеттик бюджетке 396 миллион 92 миң 240 сом төгүлдү. Бул көрсөткүч өткөн жылга салыштырмалуу 60 миллион 212 миң 170 сомго көп өндүрүлгөн.

Алардын ичинен:

- мас абалында унаа башкаргандар 8 миң 682 (13 пайызга азайган);

- ылдамдыкты ашырып айдаган айдоочулар 125 миң 422 ;

- терезелерин мыйзамсыз караңгылаткандар 2 миң 409 ;

- тийиштүү докумменттери жок унаа башкаргандар 7 миң 828 ;

- авто ээнбаштык кылгандар 282 ;

- коопсуз курун тагынбаган айдоочулар 178 миң 146 ;

- айдоого укугу жок жарандардын авто унаа башкаруусу 2 миң 101;

- техникалык абалы оң абалда эмес унааны башкарган айдоочулар 1 223 ;

- башка жол эрежелерин бузуулар 420 миң 582.

Ар кандай жол эрежелерин бузгандыгы үчүн 59 миң 996 авто унаа убактылуу айып короо жайына киргизилген.