Пакистандын жарандарын чек арадан мыйзамсыз өткөрүп жүргөн жарандар кармалды 

Мыйзамсыз миграциялык каналдын уюштуруучусуна 1700 доллар өлчөмүндөгү акча каражатын которуп жаткан учурда Кыргыз жараны Б.А. кармалды. Бул тууралуу УКМКнын маалымат кызматынан билдиришти.

Кабарлангандай, 11-октябрда атайын кызмат тарабынан Пакистандын жарандарын Кыргызстандын мамлекеттик чек арасы аркылуу Казакстан тарапка кызматтык өткөрүү пункттарын айланып өтүү фактылары боюнча жүргүзүлгөн ыкчам-издөө иш-чараларынын жүрүшүндө 1983-жылы туулган Э.Б. аттуу Кыргыз жараны Чүй облусунун аймагынан кармалды.

Кармалган жарандар Октябрь райондук сотунун чечими менен 2 айлык мөөнөткө Бишкек шаарындагы №1 тергөө камак жайына киргизилди.

Учурда Кыргызстандын мамлекеттик чек арасы аркылуу чет элдик жарандарды мыйзамсыз алып өтүүгө тиешеси бар башка адамдарды аныктоо боюнча тиешелүү ыкчам-иликтөө иш-чаралары жүргүзүлүүдө.