Бишкекте нандын баасы көзөмөлгө алынууда

Бишкекте нан азыктарынын (тандыр нан, 1-сорттогу бөлкө нан) бааларын негизсиз кымбатташы жана баалардын өсүшүнө жол бербөө максатында өндүрүүчүлөрдүн, (наабайчылардын) нан сатуучулардын арасында түшүндүрүү иштери жүргүзүлүүдө. Бул тууралуу бүгүн, 19-октябрда Бишкек мэриясынан билдиришти.

Маалыматка караганда, нан азыктарын өндүрүүчүлөр жана сатуучулар Монополияга каршы жөнгө салуу кызматынын 2023-жылдын 9-октябрындагы № 01-12/5 "Бишкек шаарында биринчи сорттогу буудай унуна (бөлкө нан) жана нан азыктарынын (тандыр нан) бааларын максималдуу деңгээлде белгилөөнүн 90 күнү тууралуу" буйругу менен таанышты.

"Нан өндүрүүчүлөргө (наабайчыларга) жана бөлүштүрүүчүлөр тарабынан аталган буйрук аткарылбаган учурда мыйзамдарга ылайык чара көрүлөт.

Социалдык маанидеги азык-түлүк товарларына баалардын негизсиз көтөрүлүшүнө жол бербөө максатында "Фрунзе", "Глобус", "Народный" ири гипермаркеттеринин арасында түшүндүрүү иштери жүргүзүлүүдө", - деп айтылат маалыматта.

Белгилей кетсек, борбор калаада бааларды көзөмөлдөө чаралары улантылат.