Ошто №5 ТИЗОго баңги затын алып киргенге аракет кылган жаран кармалды

Ошто Жаза аткаруу кызматынын кызматкерлери тарабынан ЖАКтын жабык мекемелеринин аймагына камакка алынган адамдар үчүн баңги каражаттарды өткөрүп берүү аракетине бөгөт коюлду. Бул тууралуу бүгүн, 20-октябрда аталган мекемеден билдиришти.

Мааламытка ылайык, Оштогу №5 ТИЗОго азык-түлүк жеткирип келген Р. М.М. аттуу жаран текшерүүгө алынып, тамак-аш азыктарынын арасынан өзгөчө жыты бар белгисиз кызгылт сары скотч менен оролгон таңгак табылды. Табылган заттын жалпы салмагы (болжолдуу гашиш) болжол менен 1 килограммды түздү.

"Кармалган Ош шаарынын тургуну Р.М.М. жеке такси иши менен алектенерин жана аны Ош шаарынын №5 ТИЗОго азык-түлүк жеткирүү үчүн белгисиз адамдар жалдаганын түшүндүрдү.

Чогултулган материалдар мындан ары биргеликте иликтөө жана текшерүү үчүн Ош шаары жана Ош облусу боюнча УКМК Башкы башкармалыгына өткөрүлүп берилди", - деп айтылат маалыматта.