Арзыбек Кожошевге Бишкек мамлекеттик университетинин "Ардактуу профессору" наамы ыйгарылды

Бүгүн, 27-октябрда Кусейин Карасаев атындагы Бишкек мамлекеттик университетинде (БМУ) Евразия экономикалык комиссиясынын энергетика жана инфраструктура министри Арзыбек Кожошевге БМУнун "Ардактуу профессору" наамы ыйгарылды

Экономика илимдеринин доктору Кожошевге тиешелүү наамды ыйгаруу жөнүндө күбөлүктү БМУнун ректору Абдылда Мусев тапшырды.

Арзыбек Кожошев Ош мамлекеттик университетин экономикалык география адистиги боюнча жана Кыргыз мамлекеттик университетин бухгалтердик эсеп жана аудит адистиги боюнча артыкчылык диплому менен аяктаган.

Эмгек жолу:

1985-1987-жылдары — курулуш уюмунда бетончу

1987-1989-жылдары — Советтик аскерлердин катарында кызмат өтөгөн

1992-1993-жылдары — Ош мамлекеттик университетинин студенттер союзунун төрагасы

1993-1994-жылдары —Студенттерди социалдык колдоо боюнча республикалык фонддун төрагасынын орун басары

1996-жылы — КРдин Каржы министрлигинин Бюджеттик башкармалыгынын бюджеттер бөлүмүнүн жетектөөчү адиси

1998-1999-жылдары — Каржы министрлигинин Бюджеттик саясат башкармалыгынын башкы адиси, жергиликтүү бюджеттер бөлүмүнүн жетекчиси

2005-2006-жылдары — Каржы министрлигинин Бюджеттик саясат башкармалыгынын жетекчиси;

2006-2007-жылдары — Каржы министрлигинин Бюджеттер аралык мамилелер башкармалыгынын жетекчиси

2007-2015-жылдары — Каржы министринин орун басары.

2015-жылы "Кыргызстан" саясий партиясынын тизмеси менен Жогорку Кеңешке VI чакырылышынын депутат болуп шайланган;

2015-2017-жылдары — Экономика министри;

2017-2019-жылдары — Рыскулбеков атындагы Кыргыз экономикалык университети, профессор;

2018-2019-жылдары — Улуттук стратегиялык изилдөөлөр институтунун директорунун кеңешчиси;

2019-2021-жылдары — Өкмөткө караштуу Финансы рыногун жөнгө салуу жана көзөмөлдөө мамлекеттик кызматынын төрагасы;

2021-жылдын 13-октябрынан тартып 2022-жылдын 15-июнуна чейин министрлер кабинетинин төрагасынын биринчи орун басары.

2022-жылы 20-июлдан тарта Жогорку Евразия экономикалык кеңешинин чечими менен Евразия экономикалык комиссиясынын энергетика жана инфраструктура боюнча министри болуп дайындалган.

Сыйлыктары: Каржы министрлигинин ардак грамотасы, Кыргызстандын президентинин алдындагы Мамлекеттик тил боюнча улуттук комиссиясынын ардак грамотасы.

Салык кызматынын биринчи даражадагы кеңешчиси жана үчүнчү класстагы мамлекеттик кеңешчиси.

Классикалык (грек-рим) күрөшү боюнча спорт чебери.