Махачкала аэропортундагы башаламандык: Эми блогер Хасбик дагы текшерүүгө алынат

Махачкала аэропортунда болгон башаламандыктан кийин Хасбик каймана аты менен таанымал блогер Хасбулла Магомедов дагы текшерүүгө алынат. Бул тууралуу Mash телеграм каналы жазды.

Блогерге каршы анын катталуучуларынын бири арыз жазган. Арыз ээси Хасбик социалдык тармактагы баракчасына "Израилдик качкындарды кабыл албашыбыз керек" деген билдирүү жазганын айткан.

Арыз ээсинин айтымында, мындай билдирүү дагестандыктарга таасирин тийгизип, Махачкала аэропортунда башаламандык болгон.

Эми блогерди прокуратура текшерүүгө алат.

29-октябрда Махачкалада Тель-Авивден учуп келген учактын учуп-конуу тилкесин жергиликтүү тургундар бузуп киришкен. Алар учактан Израилдин жарандарын издешип, аэропорттогу адамдардын паспортторунан бери текшеришкен.

Бул факты боюнча кылмыш иши козголуп, аэропорт жабылган. 30-октябрда аэропорт ишин улантты.