"Балдар өтүшөт". Ноокатта карыя өз колу менен окуучуларга көпүрө салып берди (видео)

Ноокат районунда Жаңыбай Эргешов аттуу карыя өз колу менен мектеп окуучулары үчүн көпүрө жасады. Мындай видео социалдык тармактарга тарады.

Видеодо көрүнгөндөй, карыя окуучулар өтө албай турган кичине каналга жыгачтан көпүрө салган. Ал мектеп окуучулары кышында кар жааганда каналдагы суудан өтө албай каларын айтты.

"Көпүрө салган сооп болот. Өзүм салдым. Бул жерден балдар өтүшөт. Жардам бергенге киши жок, баары окууда, Орусияда. Кар жаап жиберсе көпүрөнү сала албай калам", - деди карыя.

Карыя ошондой эле көпүрөнүн жанына арча тиккенин дагы кошумчалады.