Садыр Жапаров иш сапар менен Казакстанга жөнөп кетти. Делегациянын курамы

Президент Садыр Жапаров бүгүн, 2-ноябрда Казакстандын Астана шаарына жөнөп кетти. Бул тууралуу өлкө башчынын маалымат кызматынан кабарлашты.

Маалыматка ылайык, мамлекет башчысы 2-3-ноябрда Түрк мамлекеттер уюмуна мүчө өлкөлөрдүн башчыларынын саммитинин кезектеги жыйынына катышат.

Саммиттин алкагында өлкө лидерлери уюмдун күн тартибиндеги актуалдуу маселелерди талкуулашат, көп тараптуу кызматташтыктын негизги багыттарын камтыган Астана актысын жана Саммиттин жыйынтыктоочу Декларациясын кабыл алышат.

Кыргыз Республикасынын расмий делегациясынын курамындагылар:

Тышкы иштер министри Жээнбек Кулубаев;

Кыргыз Республикасынын Казакстандагы атайын жана ыйгарым укуктуу элчиси Дастан Дюшекеев;

Экономика жана коммерция министри Данияр Амангельдиев;

Өзгөчө кырдаалдар министри Бообек Ажикеев;

Президенттин Администрациясынын тышкы саясат бөлүмүнүн башчысынын орун басары Талгат Аширбеков.