Орусияда 2 миңден ашуун кыргызстандык абакка кесилген

Орусияда абакка кесилген кыргыздардын саны 2414 болсо, Казакстанда - 318. Бул тууралуу 14-декабрда «Замандаш» ассоциациясы билдирди. Маалыматтарга караганда, көпчүлүк учурда кыргыздар баңгизат менен кармалып жана чек арадан мыйзамсыз өтүп же бирөөнүн саламаттыгына оор залака келтирип абакка түшүшөт. Алардын арасында башка өлкө мыйзамдарын билбей абакка отуруп калгандар да бар. Бүгүнкү күнгө Тюмень облусунда кыргыз жарандарына 13 кылмыш иши козголуп, Оренбургда 12 кыргызстандык жазасын өтөп жатышат. 3 адамга карата чек араны мыйзамсыз кескен үчүн кылмыш иши козголуп, дагы эки адам мекенине депортацияланганы турат.