Баткен, Ош жана Жалал-Абадда мамлекеттик дарыканалар ачылды

Ош, Жалал-Абад жана Баткенде “Эл аман” мамлекеттик дарыканалары ачылды. Бул тууралуу Саламаттык сактоо министрлигинин маалымат кызматынан билдирди.

Ош облусуна иш сапары менен барган министр Ноокат районундагы жалпы дарыгерлик практикалык борборунунда жайгашкан “Эл аман” дарыканасын ачты.

Ошондой эле министр Жалал-Абад, Ош, Баткен облустарында ачылган дарыканалардын иши менен таанышты.

"Эл аман" дарыканасынын облустардагы филиалдарынын даректери:
Баткен облусу, Үч-Коргон, Кызыл-Кыя, Кадамжай, Сүлүктү, Лейлек жана Баткен облустук ҮДБ;
Ош шаары ҮДБ, Өзгөн, Араван райондорунун ЖДПБ, Ош облустук балдар клиникалык ооруканасы;
Жалал-Абаддын Базар-Коргон, Ноокен, Кочкор-Ата, Токтогул районундагы ЖДПБ.